MUMTAZWORLD Michigan/Detroit Indian Community Service Website Containing The Largest Music Collection of Bollywood India Home | About Us | Request a Song | Contact Us
M U S I C      
Actor
Actress
Singer
Lyricist
Music Director
Movie/Album
Genre
Year




Dost - Friend

 

Ae dost tum se tark-e- ta'alluq ke baavajuud
mahasuus kii hai terii zaruurat kabhii kabhii
Sahir Ludhianvi

 

Khudaa jab dost hai ai "Daag" kyaa dushman se andeshaa
hamaaraa kuchh kisii kii dushmanii se ho nahiin sakataa
Daag Dehlvi

 

Yon lage dost teraa mujhse Khafaa ho jaanaa
jis tarah phuul se kushbuu kaa judaa ho jaanaa
Qateel Shifai

 

bhuul shayad bahut badi kar li
dil ne duniyaa se dostii kar li
Bashir Badr

 

dost ban ban ke mile mujhako mitaanevaale
main ne dekhe hain kaii rang badalanevaale
Saeed Rahi

 
main muddaton jiyaa huun kisii dost ke baghair
ab tum bhii saath chhodne ko kah rahe ho, Khair
Firaq Gorakhpuri
 

tum takalluf ko bhii iKhlaas samajhate ho "Faraz"
dost hotaa nahiin har haath milaane vaalaa
Ahmed Faraz

 

saaf kab imtihaan lete hain, vo to dam deke jaan lete hain
zid har ek bat men nahin achchhii, dost kii dost maan lete hain
Daag Dehlvi

 

vo meraa dost hai saare jahaan ko hai maaluum
dagaa kare vo kisii se to sharm aaye mujhe
Qateel Shifai

 

ai dost yuun to ham terii hasarat ko kyaa kahen
lekin ye zindagi bhi koii zindagii nahin
Firaq Gorakhpuri

 

 hamen bhii doston se kaam aa padaa yaanii
hamaare doston ke bevafaa hone kaa vaqt aayaa
Hari Chand Akhtar

 

nahiin gar hamdardii aasaan na ho ye rashk kyaa kam hai
na dii hotii Khudaayaa aarazuu-e-dost dushman ko
Mirza Ghalib 
 
doston se aaj mulaaqaat kii shaam hai
ye sazaa kaat ke phir apne ghar ko jaaungaa
Mazhar Imam

 

dostii jab kisii se kii jaaaye
dushmanon kii bhii raay lii jaaye
Raha Indori
 
badagumaan ho ke mil aaii dost jo milanaa hai tujhe
ye jhijhakte hue milnaa koi milnaa bhi nahiin
Firaq Gorakhpuri
  

 

dushmanon se pashemaan honaa pa.daa
doston kaa Khuluus aazamaane ke baad
Khumar Barabankvi
 
 
hataaye thhe jo raah se doston kii
vo patthar mere ghar men aane lage hain
Khumar Bbarabankvi 
  
 
giregii kahaan ye barq dosto
meraa to kahiin aashiyaan bhii nahin
Mumtaz Mirza

 
kyaa lutf-e-dostii ki nahiin lutf-e-dushmanii
dushman ko bhii jo dekhiye puuraa kahaan hai ab
Daag Dehlvi

   
vo zamaanaa bhi tumhen yaad hai tum kahte thhe
dost duniyaa men nahin "Daag" se bahatar apanaa
Daag Dehlvi
 
 
merii khushii se mere doston ko gham hai "Shamim"
mujhe bhii is kaa bahut gham hai kyaa kiyaa jaaye
Shamim Jaipuri
   
 
ye kahaan kii dostii hai ke bane hain dost naaseh
koii chaarasaaz hotaa koi gham_gusaar hotaa
Mirza Ghalib
 

 

laakh be-mehar sahii dost to rakhate ho "Faraz"
inhe.n deKho ke jinhe.n ko_ii bhii sitamagar na milaa
Ahmed Faraz  
 
 
ai dost mit gayaa huun fanaa ho gayaa hun main
is daur-e-dostii kii davaa ho gayaa hun main
[Hafeez Jullundhary] 

 
Dhuudne par bhii na milataa thaa mujhe apnaa vajuud
main talaash-e-dost mein yun benishaan thha dosto

Jagannath Azad
 
   
mere hamnafas mere hamnavaa, mujhe dost banke daga na de
main huun  dared ishq se jaan balab

Mujhe zindagi ki dua na de
Shakeel Badayuni  
 

har taraf ziist kii raahon mein kadii dhuup hai dost
bas terii yaad ke saaye hain panaahon kii tarah
Sudarshan Faakir

ziist -life           panaah – shelter/protection

 

Khvaab

Aao Ki ko_ii Khvaab Bune.n

Aao ki ko_ii Khvaab bune.n kal ke vaaste

varanaa ye raat aaj ke sangiin daur kii

Das legii jaan-o-dil ko kuchh aise ki jaan-o-dil

taa-umr phir na ko_ii hasii.n Khvaab bun sake.n

 

[bunanaa = to weave; sangiin daur = hard/difficult times]

[Das lenaa = to bite; taa-umr = entire life]

 

Go ham se bhaagatii rahii ye tez-gaam umr

Khvaabo.n ke aasare pe kaTii hai tamaam umr

 

[tez-gaam = fleet-footed]

 

zulfo.n ke Khvaab, ho.nTho.n ke Khvaab, aur badan ke Khvaab

meraaj-e-fan ke Khvaab, kamaal-e-suKhan ke Khvaab

 

[meraaj-e-fan = (to reach) summit of art; kamaal-e-suKhan = perfection in poetry]

 

tahaziib-e-zindagii ke, faroG-e-vatan ke Khvaab

zindaa.N ke Khvaab, kuuchaa-e-daar-o-rasan ke Khvaab

 

[tahaziib-e-zindagii = civilized life; faroG-e-vatan = nation's progress/upliftment]

[zindaa.N = prison; kuuchaa-e-daar-o-rasan = road leading to the gallows]

 

ye Khvaab hii to apanii javaanii ke paas the

ye Khvaab hii to apane amal ke asaas the

ye Khvaab mar gaye hai.n to be-rang hai hayaat

yuu.N hai ki jaise dast-e-tah-e-sang hai hayaat

 

[amal = work; asaas = foundation; hayaat = life]

[dast-e-tah-e-sang = hands crushed under a stone (helpless)]

 

aao ki ko_ii Khvaab bune.n kal ke vaaste

varanaa ye raat aaj ke sangiin daur kii

Das legii jaan-o-dil ko kuchh aise ki jaan-o-dil

taa-umr phir na ko_ii hasii.n Khvaab bun sake.n

 

Sahir Ludhianvi

                           

Khvaab is aa.Nkho.n se ab ko_ii churaa kar le jaaye
Qabr ke suukhe huye phuul uThaa kar le jaaye

Mu.ntazir phuul me.n Khushbuu kii tarah huu.N kab se
Ko_ii jho.nke.n kii tarah aaye u.Daa kar le jaaye

[mu.ntazir=waiting] Bashir Badr

 

ShaaKho.n me.n Khayaalo.n ke ghane pe.D kii shaayad
ab aake karegaa na ko_ii Khvaab baseraa

Faiz Ahmad faiz

 

Khvaab kii tarah bikhar jaane ko jii chaahataa hai

aisii tanhaa_ii ki mar jaane ko jii chaahataa hai

Iftikhar Ali

 

Khvaab Marte Nahin

Khvaab kii tarah se hai yaad ke tum aaye the

jis tarah daaman-e-mashriq me.n sahar hotii hai

zarre zarre ko tajallii kii Khabar hotii hai

aur jab nuur kaa sailaab guzar jaataa hai

raat bhar ek andhere me.n basar hotii hai

kuchh isii tarah se hai yaad ke tum aaye the

Jagannathh Aazad

 

Khvaab marate nahii.n

Khvaab dil hai.n na aa.Nkhe.n na saa.Nse.n ke jo

rezaa-rezaa hue to bikhar jaaye.nge

jism kii maut se ye bhii mar jaaye.nge

 

Khvaab marate nahii.n

Khvaab to raushanii hai.n, navaa hai.n, havaa hai.n

jo kaale pahaa.Do.n se rukate nahii.n

zulm ke dozaKho.n se bhii phukate nahii.n

raushanii aur navaa aur havaa ke aalam

maqtalo.n me.n pahu.Nch kar bhii jhukate nahii.n

 

Khvaab to harf hai.n

Khvaab to nuur hai.n

Khvaab to suqraat hai.n

Khvaab mansuur hai.n

Faiz Ahmad Faiz

 

 

Khvaab thaa yaa Khayaal thaa kyaa thaa

hijr thaa yaa visaal thaa kyaa thaa

chamakii bijalii sii par na samajhe ham

husn thaa yaa jamaal thaa kyaa thaa

Mussafi

Khvaabo.n me.n tere gar merii Khvaahish nahii.n hogii

mujhase terii aa.Nkho.n kii parastish nahii.n hogii

Farhat Shahzad

 

 

Intezaar

 

ye na thii hamaarii qismat ke visaal-e-yaar hotaa
agar aur jiite rahate yahii intazaar hotaa
Mirza Ghalib

 

tamaam umr teraa intazaar ham ne kiyaa
is intazaar mein kis kis se pyaar ham ne kiyaa
Hafiz Hoshiarpuri

ham intazaar karenge teraa qayaamat tak
Khudaa kare ki qayaamat ho aur tuu aaye
Sahir Ludhianvi

 

tamaam umr teraa intazaar kar lenge
magar ye ranj rahegaa ki zindagii kam hai
Shahid Siddiqi
 
ab to uTh sakataa nahii.n aankhon se baar-e-intazaar
kis tarah kaate ko_ii lail-o-nahaar-e-intazaar

un kii ulfat kaa yaqii.n ho un ke aane kii ummiid
ho.n ye donon suuraten tab hai bahaar-e-intazaar

un ke Khat kii aarazuu hai un ke aamad kaa Khayaal
kis qadar phailaa huaa hai kaarobaar-e-intazaar
Hasrat Mohani
 
 
intazaar hii rahaa o subah teraa
kaalii raat ke saaye mein ab dil TuuT gayaa
Mauj Meeruthi
   
 
jo bhii bichha.De hai.n kab mile hai.n 'Faraz'
phir bhii tuu intazaar kar shaayad
Ahmad Faraz
 
 
lutf jo us ke intazaar me.n hai
vo kahaa.N mausam-e-bahaar mein hai
unknown
 
vo mazaa kahaa.N vasl-e-yaar mein
lutf jo milaa intazaar me.n
'Fana' Nizami Kanpuri
 
 
ai intazaar-e-jaanaa ham jaanaten hain tujhe
kaaTii hai raat ham ne karavaT badal badal ke
Unknown 
 
Gazab kiyaa, tere vaade pe aitabaar kiyaa
tamaam raat qayaamat kaa intazaar kiyaa
Daag Dehlvi
 
 
umr-e-daraaz maa.Ng kar laaye the chaar din
do arazuu me.n kaT gaye do intazaar me.n
Bahadur Shah Zafar
 
 
shab-e-intazaar kii kash-ma-kash na puuch kaise sahar hu_ii
kabhii ik chiraaG jalaa diyaa kabhii ik chiraaG bujhaa diyaa
Majrooh Sultanpuri
 
 
baaG-e-bahisht se mujhe hukm-e-safar diyaa thaa kyo.N
kaar-e-jahaa.N daraaz hai ab meraa intazaar kar
Allam Iqbal
 
 
luuTe maze usii ne tere intazaar ke
jo hadd-e-intazaar se aage nikal gayaa
Asar Lucknawi
 
 
ko_ii aayaa na aayegaa lekin
kyaa karen gar na intazaar karen
Firaq Gorakhpuri
 
 
maut kaa intazaar baaqii hai
aap kaa intazaar thaa na rahaa
Fani Badayuni
 
 
jaan-e-sukuun aa bhii jaa teraa hii intazaar hai
aankhon se ashk hai ravaa.N jaa.N bhii beqaraar hai

hone ko fasl-e-gul bhii hai daavat-e-aish hai magar
apanii bahaar kaa mujhe aaj bhii intazaar hai
Yahya Jasdanwalla
 
 
din guzar gayaa aitabaar me.n
raat kaT gaii intazaar me.n
'Fana' Nizami Kanpuri
 
 
ik umr kaT ga_ii hai tere intazaar me.n
aise bhii hai.n ke kaT na sakii jin se ek raat
Firaq Gorakhpuri
 
 
kuchh din ye bhii rang rahaa intazaar me.n
aa.nkh uTh ga_ii jidhar bas udhar dekhate rahe
Asar Lucknawi
   
jis mo.D par kiye the ham intazaar baraso.n
us se lipaT ke roye diivaanaavaar baraso.n
Sudarshan Faakir  
 
paiGaam zindagii ne diyaa maut kaa mujhe
marane ke intazaar me.n jiinaa pa.Daa mujhe
Safi Lucknawi]
 
 
be-Khudii le gaii kahaa.N ham ko
der se intazaar hai apanaa
Meer Taqi Meer
 
 
terii raaho.n me.n baarahaa ruk kar
ham ne apanaa hii intazaar kiiyaa
Gulzar
 
mujh ko ye aarazuu vo uThaaye.n naqaab Khud
un ko ye intazaar taqaazaa kare ko_ii
Majaz
 
 
taa phir na intazaar me.n nii.nd aaye umr bhar
aane kaa ahad kar gaye aaye jo Khwaab me.n
Mirza Ghalib
 
 
jab nigaahe.n uTh ga_ii.n allaah re meraaj-e-shauq
dekhataa kyaa huu.N vo jaan-e-intazaar aa hii gayaa
Jigar Moradabadi
 
 
ab kii baras bhii vo nahii.n aayaa bahaar me.n
guzaregaa aur ek baras intazaar me.n

Payam Saeedi
 
 
kahaa.N hai tuu ke tere intazaar me.n ai dost
tamaam raat sulagate rahe dil ke viiraane
Nasir Kazmi
 
 
roz jiitaa huaa roz marataa huaa
har naye din nayaa intazaar aadamii
Nida Fazli
 
 
vo na aayegaa hame.n maaluum thaa us shaam bhii
intazaar us ka magar kuchh soch kar karate rahe
Parveen Shakir
 
 
aaj ashko.n kaa taar TuuT gayaa
rishtaa-e-intazaar TuuT gayaa
Saifuddin Saif
 
 
na jis kii shakl hai ko_ii na jis kaa naam hai ko_ii
ik aisii shai kaa kyo.n hame.n azal se intazaar hai
Shahryar
 
 
tum aaye ho na shab-e-intazaar guzarii hai
talaash me.n hai sahar baar baar guzarii hai
Faiz Ahmad Faiz

 
ik intazaar saa thaa ab nazar me.n vo bhii nahii.n
safar me.n marane kii fursat thii ghar me.n vo bhii nahii.n
Mahashar Badayuni
 
 
TuuTii jo aas jal gaye palko.n pe sau chiraaG
nikharaa kuchh aur rang shab-e-intazaar kaa
Mumtaz Mirza
 
 
ab kis ke intazaar me.n jaage.n tamaam shab
vo saath ho to niind me.n kaise Khalal pa.De
Shehzad Ahmed
 
merii naash ke sirhaane vo kha.De ye kah rahe hai.n
ise niind yuu.N na aatii agar intazaar hotaa
Safi Lucknawi
 
 
Gam-e-hayaat se dil ko abhii nijaat nahii.n
nigaah-e-naaz se kah do ki intazaar kare
Shakeel Badayuni
 
 
na koii vaadaa na koii yaqii.n na koii ummiid
magar hamen to teraa intazaar karnaa thaa
Firaq Gorakhpuri
 
  
Khizaa.N ke rang me.n abhii bahaar baaqii hai
chiraaG-e-sahar hai par intazaar baaqii hai
Azra Adil Rashid

 
mai.n zindaa thaa ki teraa intazaar Khatm na ho
jo tuu milaa to ab sochataa huu.N mar jaa_uu.N
Ahmed Nadeem Qasmi
 
 
phir baiThe baiThe vaadaa-e-vasl us ne kar liyaa
phir uTh kha.Daa huaa vahii rog intazaar kaa
Ameer Minai
 
 
lauT aa_uu.Ngaa surKh-ruu ho kar
saaraa lashkar is intazaar me.n thaa

Anees Amrohvi
 
 

 

haalaat kah rahe hai.N ki ab vo na aayenge

ummiid kah rahii hai zaraa intazaar kar
Irfan 'Abid'
 
 
duniyaa to Khair chho.D ke aage nikal gaii
tum ne bhii intazaar hamaaraa nahiin kiyaa
Irfan Abid



 

 

Khushboo

 

Mohabbat ek khushboo hai hamesha saathh rahti hai

Koi insaan tanhaai mein tanha nahin rahta

 

Khushboo kisiki yaad ki phir paas aayee hai

Mahka hua hai aaj mera ghar ka ghar tamaam

 

Dil se yaadon ki khushboo na nikli kabhi

Main khizan mein bhi aksar mahakta raha

 

Bas gayee hai mere ehsaas mein kuchh aisi mahak

Koi khushboo main lagaoon teri khushboo aaye

 

Dil ka har gosha munawwar hai haseen yaadon se

Meri season mein abhi tak hai tumhari khushboo

 

Khushboo ki tarah jeena bhi aasaan to nahin

Phoolon se qtra qatra nichora gaya mujhe

 

Who to khushboo hai fizaaon mein bikhar jaayega

Sochna phool ka hai phool kidhar jayega

 

Who qurb ke lamhat agar bhool bhi jaayen

Barson hamen tarpaayegi ehsaas ki khushboo

 

Mit gaye merei umeedon ki tarah harf magar

Aaj tak tere khatoot se teri khushboo na gayee

 

Mahsoos to karta hoon magar chhoo nahin sakta

Tu phool nahin phool ki khushboo ki tarah hai

 

Sab yeh kahten hain laga rakhi hai khushboo maine

Unki yaadon se mahakta hoon koi kya jaane

 

Ab tak wahan udte hain khushboo ke qaafle

Bhoole se jahan rakh diya aap ne qadam

 

Paate hain kuchh gulab chatanon mein parvarish

Aati hai pattharon se bhi khushboo kabhi

Manzil

Kabhii yuun bhii to ho
Suunii har manzil ho
Koii na mere saath ho
Aur tum aao

Mujhe sahal ho gaiin manzilen vo havaa ke rukh bhii badal gae
Teraa haath haath mein aa gayaa ke chiraag raah mein jal gae
Jagannath Azad

Ab meraa safar tanhaa ab us kii judaa manzil
Puuchho na pataa us kaa tum mere thikaane se
Saeed Rahi

Jab pyaas javaan ho jaayegii ehasaas kii manzil paayegii
Khaamosh rahenge aur tumhen ham apanii kahaanii kah denge
Ibrahim Ashk

Raah taariik hai aur duur hai manzil lekin
Dard kii shamaen jalaa lenge tum aao to sahii
Mumtaz Mirza

Kabhii taqdiir kaa maatam kabhii duniyaaa kaa gilaa
Manzil-e-ishq mein har gaam pe ronaa aayaa
Shakeel Badayuni

Ye kyaa uthaaye qadam aur aa gaii manzil
Mazaa to jab hai ke pairon men kuchh thakaan rahe
Rahat Indori

Manzilen duur bhii hain manzilen nazadiik bhii hain
apane hii paaon mein zanjiir padii ho jaise
Ahmad Faraz

Tum duur khade dekhaa hii kiye aur duubane vaalaa duub gayaa
Saahil ko tum manzil samajhe tum lazzat-e-dariyaa kyaa jaano
(saahil = shore; lazzat = pleasure/enjoyment)
Behzad Lucknawi

Ulfat kii naii manzil ko chalaa, tuu baanhein daal ke baanhon mein
Dil todane vaale dekh ke chal, ham bhii to pade hain raahon mein
Qateel Shifai

Duur hai manzil raahen mushkil aalam hai tanahaaii kaa
Aaj mujhe ehasaas huaa hai apani shikastaapaaii kaa
[shikastaah_paaii=infirmity of the feet]
Shakeel Badayuni

Manzil-e-jaanaan ko jab ye dil ravaan thaa dosto
Tum ko main kaise bataauun kyaa samaan thaa dosto
Shakeel Badayuni

Manzile.n aavaaz detii rah gaii.n
Ham pahunch jaate magar rastaa na thaa
Ibrahim Ashk

Safar-e-manzil-e-shab yaad nahiin
Log rukhsat huye kab yaad nahiin
(rukhsat - to leave)
Nasir Kazmi

Nahiin nigaah mein manzil to justajuu hii sahii
Nahiin visaal mayassar to aarazuu hii sahii
Faiz Ahmad Faiz

Har manzil-e-hayaat se gum kar gayaa mujhe
Mud mud ke raah mein vo teraa dekhanaa mujhe
Sagar Nizami

Ik ik kar ke huye jaate hain taare raushan
Merii manzil kii taraf tere qadam aate hain
Faiz Ahmad Faiz

Manzil milii muraad milii mudda'a milaa
Sab kuchh mujhe milaa jo teraa naqsh-e-paa milaa
(muraad = desire/wish; mudda'a = meaning/desire)
Seemab Akbarabadi

Ai jazbaa-e-dil gar main chaahuun har chiiz muqaabil aa jaaye
Manzil ke liye do gaam chaluun aur saamane manzil aa jaaye
Behzad Lucknawi

Manzil ke liye do gaam to kyaa ik gaam bhii chal kar na jaa_uun
Jab Khvaahish-e-manzil paidaa ho Khud saamane manzil aa jaaye
Unknown

kahiin to kaaravaan-e-dard kii ma.nzil Thahar jaaye
kinaare aa lage umr-e-ravaan yaa dil Thahar jaaye
Faiz Ahmad Faiz

Kyaa huaa husn ham_safar hai yaa nahiin
Ishq manzil hii manzil hai raastaa nahiin
Khumar Barabankvi

Vo saath thaa to manzilen nazar nazar chiraag thiin
Qadam qadam safar mein ab koii bhii lab duaa nahiin
Iftikhar Imam Siddiqui

Raastaa bhuul gayaa yaa yahaan manzil hai merii
Koii laayaa hai yaa Khud aayaa huun maaluum nahiin
Kaifi Azmi

Ham tere shahar mein aaye hain musaafir kii tarah
Sirf ek baar mulaaqaat kaa mauqaa de de
Merii manzil hai kahaa.N meraa Thikaanaa hai kahaan
Subah tak tujh se bichha Dakar mujhe jaanaa hai kahaan
Sochane ke liye ek raat kaa mauqaa de de
Qaiser ul Jafri

Ab na koii manzil hai aur na rah guzar koii
Jaane qaafilaa bhatake ab kahaan kahaan yaaro
Himayat Ali Shayar

Ye aur baat ki manzil pe ham pahunch na sake
Magar ye kam hai ki raahon ko chhaan baiThe hain
Sagar Siddiqui

Khud ko yuun mahasuur kar baithaa huun apanii zaat mein
Manzilein chaaron taraf hai raastaa koii nahiin
(mahasuur = surrounded; zaat = self/one's personality)
Ahmad Faraz

Idhar udhar kaii manzil hain chal sako to chalo
Bane banaaye hain saanche jo Dhal sako to chalo
Nida Fazli

Kyaa jaaniye manzil hai kahaan jaate hain kis simt
BhaTakii huii is bhiid mein sab soch rahe hain
(simt = direction)

Muhabbat mein Khayaal-e-saahil-o-manzil hai naadaanii
Jo in raahon mein lut jaaye vahii taqadiir vaalaa hai
Ali Ahmad Jalili

Sirf ek qadam uthaa thaa ghalat raah-e-shauq mein
Manzil tamaam umr hamen dhuundhatii rahii
Abdul Hameed 'Adam'

Tanhaaii kii ye kaun sii manzil hai rafiiqo
Taa-hadd-e-nazar ek bayaabaan saa kyuun hai
Shaharyar

Kabhii

Kabhii kabhii yuun bhii hamne apne hii ko bahlaayaa hai
Jin baaton ko Khud nahiin samjhe auron ko samajhaayaa hai
Nida Fazli

Kabhii aah lab pe machal gaii kabhii ashk aankh se dhal gaye
Vo tumhaare gham ke chiraag hain kabhii bujh gaye kabhii jal gaye
Rashid Kaamil

Kabhii Khaamosh baithogii kabhii kuchh gun_gunaaogii
main utnaa yaad aauungaa mujhe jitnaa bhulaaogii
Nazeer Banarasi

Kabhii jo main ne masarrat kaa ehatamaam kiyaa
Bade tapaak se gham ne mujhe salaam kiyaa
Khumar Baranbankvi

Kabhii mujh ko saath lekar, kabhii mere saath chal kar
Vo badal gaye achaanak merii zindagii badal kar
Ehsan Daanish

kabhii Khvaabon mein milaa vo to Khayaalon mein kabhii
Raah chalte na milaa din ke ujaale mein kabhii
Salman Akhtar

Kabhii to aasmaan se chaand utre jaam ho jaaye
Tumhaare naam kii ik Khuubasuurat shaam ho jaaye
Bashir Badr

Kabhii Aansuu kabhii Khushii bechii
Ham Gariibon ne bekasii bechii
Abu Taalib

Kabhii ai haqiiqat-e-mu.ntazir nazar aa libaas-e-majaaz me.n
Ke hazaaron sajde tadap rahe hain terii jabiin-e-niyaaz me.n
Iqbal

Kabhii jo nikhat-e-zulf-e-nigaar aaii hai
Fazaa-e-murdaa-e-dil men bahaar aaii hai
Kausar Niyazi

Kabhii kabhii mere dil mein Khayaal aataa hai...
Ke zindagii terii zulfon kii narm chaaon men
Guzarane paatii to shaadaab ho bhii sakatii thii
Ye tiirgii jo merii ziist kaa muqaddar hai
Terii nazar kii shuaaon me.n kho bhii sakatii thii
Sahir Ludhianvi

Kabhii kabhii yaad mein ubharate hain naqsh-e-maazii mite mite se
Vo aazamaaish sii dil-o-nazar kii, vo qurabaten sii vo faasale se
Faiz Ahmad Faiz

Kabhii kahaa na kisii se tere fasaane ko
Na jaane kaise Khabar ho gaii zamaane ko
Qamar Jalalabadi

Kabhii kisii ko mukammal jahaan nahiin miltaa
kahiin zamiin to kahiin aasmaan nahiin miltaa
Shaharyar

Kabhii kitaabon mein phuul rakhnaa
kabhii darakhton pe naam likhnaa
hamen bhii hai yaad aaj tak vo
nazar se harf-e-salaam likhnaa
Hasan Rizvi

Kabhii mujh ko saath lekar, kabhii mere saath chal kar
Vo badal gaye achaanak merii zindagii badal kar
Ehsan Daanish

Kabhii nekii bhii uski jii mein aa jaaye hai mujhse
Jafaayen karke apanii yaad sharmaa jaaye hai mujhse
Ghalib

Kabhii paabandiyon se chhuut ke bhii dam ghutne lagtaa hai
Dar-o-diivaar ho jin mein vahii zindaan nahiin hotaa
Firaq Gorakhpuri

Kabhii shaaKh-o-sabz-o-barg par kabhii Gu.Nchaa-o-gul-o-Khaar par
Mai.n chaman me.n chaahe jahaa.N rahuu.N meraa haq hai fasal-e-bahaar par
(shaakh=branch; sabz=verdant/greenery; barg=leaf)
Jigar Moradabadi


Kabhii to khul ke baras abr-e-meharabaan kii tarah
Meraa vajuud hai jalate hue makaan kii tarah
pm Warbartni

Kabhii yuun bhii to ho
Dariyaa kaa saahil ho
Puure chaand kii raat ho
Aur tum aao

Kabhii yuun bhii to ho
Pariyon kii mahfil ho
Koii tumhaarii baat ho
Aur tum aao

Kabhii yuun bhii to ho
Ye narm mulaayam Thandii havaayen
Jab ghar se tumhaare guzaren
Tumhaarii Khushbuu churaayen
Mere ghar le aayen

Kabhii yuun bhii to ho
Suunii har manzil ho
Koii na mere saath ho
Aur tum aao

Kabhii yuun bhii to ho
Ye baadal aisaa Tuut ke barase
Mere dil kii tarah milne ko
Tumharaa dil bhii tarse
Tum niklo ghar se

Kabhii yuun bhii to ho
Tanahaaii ho, dil ho
Buunden ho, barsaat ho
Aur tum aao

Kabhii yuun bhii to ho
Javed Akhtar

 

Duniya

Duniyaa jise kahate hai.n jaaduu kaa khilonaa hai
mil jaaye to miTTii hai kho jaaye to
Nida Fazli

Duniyaaa ke sitam yaad na apanii hi vafaa yaad
ab mujh ko nahii.n kuchh bhii muhabbat ke sivaa yaad
Jigar Moradabadi

Duniyaa kisii ke pyaar me.n jannat se kam nahii.n
ik dil_rubaa hai dil me.n jo huuro.n se kam nahii.n
Unknown

Duniyaa me.n huu.N duniyaa kaa talab_gaar nahii.n huu.N
baazaar se guzaraa huu.N Khariidaar nahii.n huu.N
Akbar Allahabadi

Duniyaa me.n kaun kaun na yak baar ho gayaa
par muu.Nh phir is tarf na kiyaa us ne jo gayaa
Khwaja Meer Dard

Duniyaa ne ham pe jab ko_ii ilzaam rakh diyaa
ham ne muqaabil us ke teraa naam rakh diyaa
Qateel Shifaii

Duniyaa se dil lagaakar duniyaa se kyaa milegaa
yaad-e-Khudaa kiye jaa tujh ko Khudaa milegaa
Chiragh Hassan Hasrat

Duniyaa se wafaa karake silaa Dhuu.NDh rahe hai.n
ham log bhii nadaa.N hai.n ye kyaa Dhuu.NDh rahe hai.n
Sudarshan Faakir

Baazeechaa-e-atfaal hai duniya mere aage
hota hai shab-o-roz tamaasha mere aage
Ghalib

[The world is like children's playground before me
Every day & night, a spectacle/fair/exhibition unfolds before me]

Hain aur bhi duniya mein sukhanwar bahut achchhe
Kahte hain ke Ghalib ka Hai andaz-e-bayan aur
Ghalib

Phir is dunya se ummid e vafa hai
Tujhe ae zindugi kya ho gayaa hai
Barri zaalim nihaayat bevafaa hai
Duniya phir bhi kitni Khushnuma hai
Unknown

Duniyaa banii to hamd-o-sunaa ban ga_ii Gazal
Utaraa jo nuur nuur-e-Khudaa ban ga_ii Gazal
Ganesh Bihari Tarz

 

Zindagii

 

ujaale apanii yaadon ke hamaare saath rahane do
na jaane kis galii mein zindagii kii shaam ho jaaye
Bashir Badr

yuun zindagii guzaar rahaa huun tere baghair
jaise koii gunaah kiye jaa rahaa huun main
Jigar Moradabadi

vahii qaafile vahii raaste vahii zindagii vahii marhale
magar apane apane muqaam par kabhii tum nahiin kabhii ham nahiin
Shakeel Badayuni

tamaam umr teraa intazaar kar lenge
magar ye ranj rahegaa ki zindagii kam hai
Shahid Siddiqi

Zindagi jab bhi teri bazm main laatii hai hamein
Yeh zameen chaand se behtar nazar aatii hai hamein
Shahryar

yahii hai zindagii kuchh Khaak chand ummiiden
inhiin khilaunon se tum bhii bahal sako to chalo
Nida Fazli

vahii hai zindagii lekin "Jigar" ye haal hai apanaa
ke jaise zindagii se zindagii kam hotii jaatii hai
Jigar Moradabadi

zindagii yuun huii basar tanhaa
qaafilaa saath aur safar tanhaa
Gulzar

ai aashiq na puuch zindagii kyaa hai
zindagii to taKhallus hai muhabbat kaa
Unknown

zindagii maut ban gaii hotii jaan se ham guzar gaye hote
itane ishrat zadaa hain ham ke agar Gam na hotaa to mar gaye hote
Kunwar Mahinder Singh Bedi

merii zindagii bhii merii nahiin ye hazaar Khaanon mein bat gaii
mujhe ek mutthii zamiin de ye zamiin kitanii simat gaii
Bashir Badr

tahii zindagii se nahiin ye fizaayen
yahaan saikadon kaaravaan aur bhii hain
Allama Iqbal

amal se zindagii banatii hai jannat bhii jahannum bhii
ye khaakii apanii fitrat mein na nuurii hai na naarii hai
Allama Iqbal

zindagii jabr-e-musalsal kii tarah kaTii hai
jaane kis zulm kii paa_ii hai sazaa yaad nahiin
Sagar Siddiqui

zindagii tujh se ummiid-e-vafaa kyaa rakkhuun
jab mujhe chhod gaye dost puraane mere
Muzaffar Warsi

zindagii kii baat sun kar kyaa kahen
ek tamannaa thii taqaazaa ban gaii
Himayat Ali Shayar

zindagii ek daud hai to saans phuulegii zaruur
yaa badal mafhuum us kaa yaa phir fariyaad na kar
Sharif Kanjahi


zindagii yuun bhii guzar hii jaatii
kyon teraa raahaguzar yaad aayaa
Mirza Galib

maut kaa bhii ilaaj ho shaayad
zindagii kaa koii ilaaj nahiin
Firaq Gorakhpuri


vo aaye hain pashemaan laash par ab
tujhe ai zindagii laauun kahaan se
Momin Khan Momin

rahegaa saath teraa pyaar zindagii ban kar
ye aur baat merii zindagii vafaa na kare
Qateel Shifai

zindagii main bhii chaluunggaa tere piichhe piichhe
tuu mere dost kaa naqsh-e-kaf-e-paa ho jaanaa
Qateel Shifai

lamhaat-e-yaad-e-yaar ko sarf-e-duaa na kar
aate hain zindagii mein ye aalam kabhii kabhii
Shakeel Badayuni

un kii yaad, un kii tamannaa, un kaa gham
kat rahii hai zindagii aaraam se
Shakeel Badayuni

gesuuon ke saaye mein aaraam-kash
sar-barahanaa zindagii thii main na thaa
Abdul Hameed Adam

zindagii phailii huii thii shaam-e-hijraan kii tarah
kis ko itanaa hausalaa thaa kaun jii kar dekhataa
Ahmed Faraz

zindagii terii ataa thii so tere naam kii hai
ham ne jaise bhii basar kii teraa ehasaan jaanaan
Ahmed Faraz

kam se kam maut se aisii mujhe ummiid nahiin
zindagii tuu ne to dhoke pe diyaa hai dhokaa
Firaq Gorakhpuri

is zindagii se ham ko na duniyaa milii na diin
taqadiir kaa mushaahidaa karate guzar gaii
Tilok Chand Mehroom

aish se kyon Khush huye, kyon gham se ghabaraayaa kiye
zindagii kyaa jaane kyaa thii aur kyaa samajhaa kiye
Moen Ahsan Jazbi

hamein to shaam-e-gham mein kaatanii hai zindagii apanii
jahaan vo hain, vahiin ai chaand, le jaa roshanii apanii
Unknown

saans lene ko hii jiinaa nahiin kahate hain
zindagii thii jo tere vasl kaa imkaan hotaa
Yusuf Zafar


vaadaa karake aur bhii aafat mein daalaa aap ne
zindagii mushkil thii, ab maranaa bhii mushkil ho gayaa
Jaleel Manikpuri

vo naam jis ke liye zindagii ganvaaii gaii
na jaane kyaa thaa, magar kuchh bhalaa bhalaa saa thaa
Mazhar Imam

zindagii kis tarah kategii saif
raat katatii nazar nahiin aatii
Saifuddin Saif

zindaa huun is tarah ki Gam-e-zindagii nahiin
jalataa huaa diyaa huun magar roshanii nahiin
Behzad Lakhanavi

ye jo zindagii kii kitaab hai ye kitaab bhii kyaa kitaab hai
kahiin ik hasiin saa Khvaab hai kahiin jaan levaa azaab hai
Rajesh Reddy

zindagii tuu ne lahuu leke diyaa kuchh bhii nahiin
tere daaman mein kyaa mere liye kuchh bhii nahiin
Rajesh Reddy

jiit le jaaye ko_ii mujhako nasiibon vaalaa
zindagii ne mujhe daave pe lagaa rakhaa hai
Qateel Shifai

zindagii kii bisaat par aksar
jiitii baazii bhii ham ne haarii hai
Tabish Dehlvi

ham bhii kyaa zindagii guzaar gaye
dil kii baazii lagaa ke haar gaye
Daag Dehlvi

zindagii kat gaii manaate huye
ab iraadaa hai ruuTh jaane kaa
Farhat Shehzad


kabhii dhuup de kabhii badaliyaa.N dil-o-jaan se donon qubuul hain
magar us mahal mein na qaid kar jahaan zindagii kii havaa na ho
Bashir Badr

paighaam zindagii ne diyaa maut kaa mujhe
marane ke intazaar mein jiinaa padaa mujhe
Safi Lucknawi

tum muhabbat ko khel kahate ho
ham ne barbaad zindagii kar lii
Bashir Badr

musiibat aur lambii zindagii
buzurgon kii duaa ne maar Daalaa
Muztar Khairabadi


Allah jaane maut kahaan mar ga_ii "Khumaar"
ab mujhako zindagii kii zaruurat nahiin rahii
Khumar Barabankvi

qatraa qatraa zindagii ke zahar kaa piinaa hai Gam
aur Khushii hai do ghadii piikar bahak jaane kaa naam
Anand Narain Mullah

vo kaun hain jinhen taubaa kii mil gaii fursat
hamen gunaah karane ko bii zindagii kam hai
Anand Narain Mullah

zindagii zindaadilii kaa naam hai
murdaa dil kyaa Khaak jiyaa karate hain
Nasikh

mutthiyon mein Khaak lekar dost aaye vaqt-e-kafan
zindagii bhar kii muhabbat kaa silaa dene lage
Aziz Lucknawi

mere Khudaa mujh ko thodii sii zindagii dede
udaas mere janaaze se jaa rahaa hai ko_ii
Qamar Jalalabadi

shaamen kisii ko maangatii hain aaj bhii "Firaq"
go zindagii mein yuun mujhe koii kamii nahiin
Firaq Gorakhpuri

ai dost yuu.N to ham terii hasarat ko kyaa kahen
lekin ye zindagii koii zindagii nahiin
Firaq Gorakhpuri

zindagii jab azaab hotii hai
aashiqii kaamayaab hotii hai
Unknown


zindagii shamaa kii maanind jalaataa huun "Nadeem"
bujh to jaauungaa magar subah to kar jaauungaa
Ahmed Nadeem Qasmi

zindagii hai apane qabze mein na apane bas mein maut
aadamii majabuur hai aur kis qadar majabuur hai
Ahmed Amethwi

zindagii kyaa hai anaasir mein zahuur-e-taratiib
maut kyaa hai unhiin ajzaa kaa pareshaan honaa
Brij Narain Chakbast

zindagii tujh se har ek saans pe samajhautaa karuun
shauq jiine kaa hai mujh ko magar itanaa to nahiin
Muzaffar Warsi

zindagii jis ne talKh kii merii
vo mujhe zindagii se pyaaraa hai
Suhail Akhtar

zindagii ke udaas lamhon men
bevafaa dost yaad aate hain
Unknown

zindagii ko bhii tere dar se bhikhaarii kii tarah
ek pal ke liye rukanaa hai guzar jaanaa hai
Ahmed Faraz


 

Mulaaqaat

 

Har mulaaqaat kaa anjaam judaa_ii kyuu.N hai
ab to har vaqt yahii baat sataatii hai hame.n
Shahryar

 

Ab kaun baat rah ga_ii ye baat bhii ga_ii
yaani kabhii kabhii kii mulaaqaat bhii ga_ii
Mubarak Azeemabadi

Aaj to mil ke bhii na mile ho.n tujh se
chau.nk uThate the kabhii terii mulaaqaat se ham
Jan Nissar Akhtar

Patthar hai tere haath me.n yaa ko_ii phuul hai
jab tuu qubuul hai teraa sab kuchh qubuul hai
phir tuune diyaa hai nayaa faisalaa mujhe
sar par abhii to pichhalii musaafat kii dhuul hai
tuu dil pe bojh leke mulaaqaat ko na aa
milanaa hai is tarah to bichha.Danaa qubuul hai
Unknown

Mai.n ne maanaa ke mujhe un se muhabbat na rahii
ham_nashii.n phir bhii mulaaqaat se jii Darataa hai
Hasan Naeem

Beqaraarii thii sab ummiid-e-mulaaqaat ke saath
ab vo agalii sii daraazii shab-e-hijraa.N me.n nahii.n
Altaf Husain Hali
 

Na jii bhar ke dekhaa na kuchh baat kii
ba.Dii aarazuu thii mulaaqaat kii
Bashir Badr
 

Ye ek shab kii mulaaqaat bhii Ganiimat hai
kise hai kal kii Khabar tho.Dii duur saath chalo
Ahmed Faraz

Kahaa.N vo shoKh mulaaqaat Khud se bhii na hu_ii
bas ek baar hu_ii aur phir kabhii na hu_ii
Jigar Moradabadi

Us ne kahaa itanii mulaaqaat bahut hai
mai.n ne kahaa ruk jaao abhii raat bahut hai
aa.Nsuu mere tham jaaye.n to phir shauq ke jaanaa
aise me.n kahaa.N jaaoge barasaat bahuut hai

Unknown
 

Munhasir vaqt-e-muqarrar pe mulaaqaat hu_ii
aaj ye aap kii jaanib se na_ii baat hu_ii
Hasrat Mohani

Uzr aane me.n bhii hai aur bulaate bhii nahii.n
baa_is-e-tark-e-mulaaqaat bataate bhii nahii.n
Daag Dehlvi

Huuro.ns e na hogii ye madaaraat kisii kii
yaad aayegii jannat me.n mulaaqaat kisii kii
Bekhud Dehlvi
 

Chaa.Nd nikalaa thaa magar raat na thii pahalii sii
ye mulaaqaat, mulaaqaat na thii pahalii sii
rang kuchh kam to huaa aaj tere milane se
ye alag baat ke vo baat na thii pahalii sii
Nasir Kazmi

Kaise kah duu.N ki mulaaqaat nahii.n hotii hai
roz milate hai.n magar baat nahii.n hotii hai
Shakeel Badayuni


Musaafir hai.n ham bhii musaafir ho tum bhii
kisii mo.D pe phir mulaaqaat hogii
Bashir Badr

Dil me.n hai mulaaqaat kii Khvaahish kii dabii aag
mehandii lage haatho.n ko chhupaa kar kahaa.N rakhuu.N
Kishwar Naheed

Nadeem jo bhii mulaaqaat thii adhuurii thii
ki ek chehare ke piichhe hazaar chehare the
Ahmed Nadeem Qasmi
 

Tujh se mil kar hame.n ronaa thaa bahut ronaa thaa
tangii-e-vaqt-e-mulaaqaat ne rone na diiyaa
Sudarshan Faakir


Jaane vaale se mulaaqaat naa hone paa_ii
dil kii dil me.n hii rahii baat naa hone paa_ii
Shakeel Badayuni
 

 

Yaadein ( Memories)

 

us qadar pyaar se ai jaan-e jahaaN rakkhaa hai
dil ke ruKhsaar pe is vaqt terii yaad ne haath
yuu.N gumaa.N hotaa hai garche hai abhii subah-e-firaaq
Dhal gayaa hijr kaa din aa bhii ga_ii vasl kii raat
                                                    Faiz Ahmad Faiz

yaad karanaa har gha.Dii us yaar kaa
hai vazifaa mujh dil-e-bimaar kaa
                                                    Wali Mohammad Wali

yaad kisii kii chaa.Ndanii ban kar koThe koThe utarii hai
yaad kisii kii dhuup hu_ii hai ziinaa ziinaa utarii hai
                                                    Bashir Badr

yaad kyaa dast-e-hunar hai ki sa.Nvarataa gayaa mai.n
us ko sochaa to use yaad hii karataa gayaa mai.n
                                                    Pirzaada Qaasim

yaad nahii.n kyaa kyaa dekhaa thaa saare manzar bhuul gaye
us kii galiyo.n se jab lauTe apanaa bhii ghar bhuul gaye
                                                    Nazeer Baqri

yaade.n chalii.n Khayaal chalaa ashk-e-tar chale
lekar payaam-e-shauq ka_ii naamabar chale

                                                    Hosh Tirmizi

fir mujhedeeda-e-tar yaad aaya
dil jigar tashna-e-fariyaad aaya

maktab-e-ishq kaa 'Momin' hai niraalaa dastuur
us ko chhuTTii na milii jis ko sabaq yaad huaa
                                                    Momin Khan Momin

har taraf ziist kii raaho.n me.n ka.Dii dhuup hai dost
bas terii yaad ke saaye hai.n panaaho.n kii tarah
                                                   Sudarshan Faakir

bahaaro.n ko chaman yaad aa gayaa hai
mujhe vo gul_badan yaad aa gayaa hai
                                                   Riffat Sultan

jab bhii aatii hai terii yaad kabhii shaam ke baad
aur ba.D jaatii hai afsurdaadilii shaam ke baad
                                                   Krishna Adeeb

shaam ko subah-e-chaman yaad aa_ii
kis kii Khushbuu-e-badan yaad aa_ii
                                                   Ahmad Nadeem Qaasmi

aye yaade dost aaj tu jii bhar ke dil dukha
shayad ye raat hijr ki aaye na phir kabhi

dil bhi karta hai yaad chhup ke tujhe
naam leti nahin zuban tera
kisse puchhoonga main khabar teri
kaun batlayega nishaan tera
                                                    Haider Ali Khan

 

Taqdeer (Fate)

Khudi ko kar buland itna ki har taqdeer ke pahle
Khuda bande se khud poochhe bataa teri raza kya hai
                                                    Allama Iqbal
Taqdeer kaa shikwa bemaani, jeena bhi tujhe manzoor naheen
Aap apna muqaddar ban na sake, itna to koi majboor naheen
                                                    Majrooh Sultanpuri
Lakhon ki suna tum ne taqdeer sanwarti hai
mujhse yahi keh dete abke teri baari hai
                                                    Shafaq Shah Chishti
Taqdeer ke chehre ki shikan dekh raha hoon
aainaa-e-haalaat hai dunia teri kya hai
                                                    Saghar Siddiqui
Kyo.n Munir apanii tabaahii kaa ye kaisaa shikavaa
jitnaa taqdiir me.n likhaa hai adaa hotaa hai
                                                    Munir Niazi
Diivaanaa banaanaa hai to diivaanaa banaa de
varnaa kahii.n taqdiir tamaashaa naa banaa de
                                                    Behzad Lucknawi
Is zi.ndagii se ham ko na duniyaa milii na dii.n
taqdiir kaa mushaahidaa karate guzar ga_ii
                                                    Tilok Chand Mehroom
Rusvaa_ii to vaise bhii taqdiir hai aashiq kii
zillat bhii milii ham ko ulfat ke fasaane se
                                                    Saeed Rahi
Kis tarah paayaa tujhe phir kis tarah khoyaa tujhe
mujh saa munkir bhii to qaa_il ho gayaa taqdiir kaa
                                                    Ahmed Faraz
Suna hai Haath mein Taqdeer hua karti hai
Kal yoonhi haath pe aik naam likha dair talak

 

Teri Chaahat Mein .. Tere Liye

 

terii ummiid teraa i.ntazaar jab se hai
na shab ko din se shikaayat na din ko shab se hai

terii talaash me.n ham jab kabhii nikalate hai.n
ik ajanabii kii tarah raaste badalate hai.n

tere qariib rahuu.N yaa ki duur jaa_uu.N mai.n
hai dil kaa ek hii aalam tujhii ko chaahuu.N mai.n

tere qadamo.n pe sar hogaa qazaa sar pe kha.Dii hogii
phir us sajde kaa kyaa kahanaa anokhii ba.ndagii hogii

tere paas aane ko jii chaahataa hai
naye zaKhm khaane ko jii chaahataa hai

tere pyaar me.n rusavaa hokar jaaye kahaa.N diivaane log
jaane kyaa kyaa puuchh rahe.n hai.n ye jaane pahachaane log

tere milane ko bekal ho gaye hai.n
magar ye log paagal ho gaye hai.n

tere ishq kii intahaa chaahataa huu.N
merii saadagii dekh kyaa chaahataa huu.N

tere daaman kii havaa maa.Ngate hai.n
ham bhii jiine kii duaa maa.Ngate hai.n

tere baare me.n jab sochaa nahii.n thaa
mai.n tanhaa thaa magar itanaa nahii.n thaa

tere aane kii jab Khabar mahake
tere Khushbuu se saaraa ghar mahake

tere baGair ye ab zindagii kahaa.N guzare
qadam qadam pe tere saath kaa gumaa.N guzare
 

 

Ajnabi

 

Apnon ki chaahaton ne bhi kyaa kya diye fareb

Rote rahe lipat ke har ek ajnabi se hum

                                                         

Kabhi aziz thhe hum jinko zindagi ki tarah

Abhi qareeb se guzre hain ajnabi ki tarah

 

Kiya thha pyar jise hum ne zindagi ki tarah

Wo aashna bhi mila hum se ajnabi ki tarah

 

Hazaron log hain is bheed mein pahchan mushkil hai

Shanaasa kis ko samjhoon aur kisko ajnabi samjhoon

 

Hote hote ho gaya dil is qadar maanoos-e-gham

Ajnabi maaloom hota hai khushi ka naam bhi

 

Bhari mahfil mein khud ko ajnabi mahsoos karte hain

Batayen kya kisi ko kya kami mahsoos karte hain

 

Apne to bhool jaate hain apnon se kya gila

Ek ajnabi ko apna pata de ke dekhiye

 

Kyon ajnabi sa aaj hamen apna ghar lage

Yeh kya hua ke apne hi saaye se dar lage

 

Wo ajnabi thha phir bhi bahut toot ke mila

Tohfe mein saadgi ki ada de gaya mujhe

 

Jahaan bhooli hui yaad aake daaman thhaam le dil ka

Wahaan se ajnabi ban kar guzar jaana hi achchhaa hai

 

Ajnabi kaun ho tum jab se tumhen dekha hai

Saari duniya meri aankhon mein simat aayee hai

 

Milne ko woh mile hain magar ban ke ajnabi

Kuchch aise haadse bhi hamen pesh aaye hain

 

 

 

 

DIL


Dil hii to hai na sa.ng-o-Khisht dard se bhar na aaye kyo.n
roye.nge ham hazaar baar ko_ii hame.n sataaye kyo.n
                                                                         Mirza Ghalib
Dil-e-naadaa.N tujhe huaa kyaa hai
aaKhir is dard kii davaa kyaa hai
                                                                         Mirza Ghalib
Dil kii haqiiqat arsh kii azamat sab kuchh hai maaluum hame.n
sair rahii hai aksar apanii in paakiizaa makaano.n me.n
                                                                          Mir Taqi Mir

Mere dil me.n tuu hii tuu hai dil kii davaa kyaa karuu.N
dil bhii tuu hai jaa.N bhii tuu hai tujhape fidaa kyaa karuu.N
                                                                           Unknown

Phirate huye kisii kii nazar dekhate rahe
dil Khuun ho rahaa thaa magar dekhate rahe
                                                                          Asar Lucknawi

Ab kyaa bataauu.N mai.n tere milane se kyaa milaa

irfaan-e-Gam huaa mujhe dil kaa pataa milaa
                                                                           Seemab Akbarabadi

Dekh to dil ke jaa.N se uThataa hai
ye dhuaa.N saa kahaa.N se uThataa hai
                                                                           Meer Taqi Meer

Jalaa hai jism jahaa.n dil bhii jal gayaa hogaa

kuredate ho ab raakh justajuu kyaa hai
                                                                            Ghalib

Koii mere dil se puuchhe tere tiire niimakash ko

ye Khalish kahaa.n se hotii jo jigar ke paar hotaa
                                                                             Ghalib



Dil se Khayaal-e-yaar ko Taale huye to hai.n
ham jaan de ke dil ko sambhaale hue to hai.n

                                                                         Fani Badayuni


Kisii ke jaur-o-sitam kaa to ik bahaanaa thaa
hamaare dil ko bahar-haal TuuT jaanaa thaa
                                                                             Naresh Kumar Shad

Iskaa ronaa nahii.n, kyo.n tumane kiyaa dil barbaad

isakaa Gham hai ki bahut der me.n barbaad kiyaa
                                                                             Josh Malihabadi

Ek din kah liijiye jo kuchh hai dil me.n aapake
ek din sun liijiye jo kuchh hamaare dil me.n hai
                                                                             Josh Malihabadi

Le gayaa chhiin ke kaun aaj teraa sabr-o-qaraar

beqaraarii tujhe ai dil kabhii aisii to n thii
                                                                              Bahadurshah Zafar

Dil ko kyaa ho gayaa, Khudaa jaane
kyo.n hai aisaa udaas kyaa jaane
                                                                              Daag Delhavi

Dil le ke muft, kahate hai.n kuchh kaam kaa nahii.n

ulTii shikaayate.n huii.n, ehasaan to gayaa
                                                                             Daag Delhavi

Dil me.n ab yuu.n tere bhuule hue Gham aate hai.n

jaise bichha.De hue qaabe me.n sanam aate hai.n
                                                                             Faiz Ahmed

Faiz koii aahaT koii aavaaz koii chaap nahii.n
dil kii galiyaa.n ba.Dii sunasaan hai aae koii
                                                                             Parvin Shakir

Dil naaumiid to nahii.n naakaam hii to hai
lambii hai Gam kii shaam magar shaam hii to hai
                                                                              Faiz Ahmed Faiz

 

 

Tasviir (Photograph)

 

Terii tasviir se karataa thaa baate.n

mere ghar me.n aa_iinaa nahii.n thaa

                                    -Abhijit Mazumder

 

Dekh ke jis ko dil dukhataa thaa

vo tasviir jalaa dii ham ne

                                    -Farhat Shehzad

 

Chand tasviir-e-butaa.N chand hasiino.n ke Khatuut

baad marane ke mre ghar se ye saamaa.N nikalaa

                                    -Mirza Ghalib

 

Ham un kii tasviir dil me.n chhipaaye baiThe hai.n

Viiraan zindagii me.n ek gul khilaaye baiThe hai.n

 

Muddato.n pahale jab tujh se taarruf bhii na thaa

Terii tasviir banaate the Khayaalat mere

                                   

Aap ne tasviir bhejii mai.n ne dekhii Gaur se

har adaa achchhii Khaamoshii kii adaa achchhii nahii.n

                                    -Jaleel Manikpuri

 

Terii suurat se nahii.n milatii kisii kii suurat

ham jahaa.N me.n terii tasviir liye phirate hai.n

                                    -Nasikh

 

Lab-e-Khaamosh se izhaar-e-tamanna chaahe

Gark hone ko bhii tasviir kaa lahajaa chaahe

 

Tasviir banaata huu.N tasviir nahii.n banatii

ek Kavaab saa dekhaa hai taabiir nahii.n banatii

                                    -Khumar Barabankvi

 

Tasviir terii dil meraa bahalaa na sakegii

ye terii tarah mujh se yuu.n sharamaa na sakegii

 

 

Mohabbaton Ka Safar

 

Safar me.n dhuup to hogii jo chal sako to chalo

Sabhii hai.n bhii.D me.n tum bhii nikal sako to chalo

 

Idhar udhar ka_ii ma.nzil hai.n chal sako to chalo

Bane banaaye hai.n saa.Nche jo Dhal sako to chalo

 

Kisii ke vaaste raahe. N kahaa. N badalatti hai. N

Tum apane aap ko Khud hii badal sako to chalo

-Nida Fazli

 

Safar me.n raah ke aashob se na Dar jaanaa

Pa.De jo aag kaa dariyaa to paar kar jaanaa

-Alam Tab ‘Tashna’

 

Safar-e-manzil-e-shub yaad nahii.n

Log ruKhsat huye kab yaad nahii.n

                                                -Nasir Kazmi

 

Ham safar hotaa ko_ii to baa.NT lete duuriyaa.N

Raah chalate log kyaa samajhe.n merii majabuuriyaa.N

                                                -Sardar Anjum

 

Chal mere saath hii chal ai meril jaan-e-Ghazal

In samaajo.n. ke banaaye huye ba.ndhan se nikal, chal

                                               

Ham cahaa. N jaaye jahaa. N pyaar pe pahare na lage.n

Dil kii daulat pe jahaa.N ko_ii luTere na lage.N

Kab hai badalla ye zamaanaa, tuu zamaane ko badal, chal

-Hasrat Jaipuri

 

Chalate ho to chaman ko chaliye

Kahatae hai.n ki bahaaraa.N hai

                                                -Meer Taqi Meer

 

 

pvious Poetry:

Ankhon ka Maajra

 

 

Aankh se aankh mila baat banata kyun hai

Tu agar mujh se khafa hai to chhupata kyon hai

                                                Saeed Rahi

 

Nazar mein dhal ke ubharte hain dil ke afsane

Yeh aur baat hai duniya nazar na pahchane

                                                Sufi Ghulam Mustafa

 

Aankhon men jii meraa hai idhar yaar dekhna

Aashiq kaa apne aakhri deedaar dekhna

                                                Meer Taqi Meer

 

Aankh jab band kiya karte hain

Saamne aap huaa karte hain

                                                Saeed Raahi

 

Aankhon mein jal raha hai kyun bujhta naheen dhuaan

Uthta to hai ghataa saa barastaa nahin dhuaan

                                                Gulzar

 

Aankh se aankh milaata hai koi

Dil ko kheenche liye jaata hai koi

                                                Shakeel Badayuni

 

Aankh padtii hai kaheen paaon kaheen padte hain

Sab ki hai unko khabar apni khabar kuchch bhi naheen

                                                Alam Taab Tashna

 

Aankh ko jam samajh baitha thaa anjaane men

Saaqiya hosh kahaan thhaa tere diivaane men

                                                Shamim Shahabadi

 

Aankhon men bas ke dil men samaa kar chale gaye

Khvaabidaa zindagi thii jagaa kar chale gaye

                                                Jigar Moraadabadi

 

Nazar nazar se milaakar sharaab piite hain

Ham unko paas bithaakar sharaab piite hain

Home | Contact us | Radio Show | Latest Songs                           Copyright © MumtazWorld.com ManoranjanOnline.com